Qaçış zolağında daha çox yağ əritmək üçün 5 ipucu

Bu göstərişlər sayəsində qaçış zolağında daha çox kalori itirəcək və yağlarınızdan sürətlə xilas olacaqsınız.

Arıqlamaq istəyirsən ancaq qaçış zolağında hər dəfə eyni tempdə qaçırsansa, zaman içərisində həm darıxacaqsan həm də daha az kalori yandıracaqsan. Ancaq, qaçış zolağından daha məhsuldar bir şəkildə istifadə etmənizi təmin etmək, daha çox yağ və kalori yandırmaq mövzusunda köməkçi ola biləcək sadə ipucları var. Əgər qaçmağı sevir və arıqlamaq istəyirsinizsə, bu ipuclarını məşq zamanı istifadə etməlisiniz.

1- Qarışıq qaçış

Məşqin arıqlamaqda rolu olduqca sadədir: Məşqçi Janet Hamilton, arıqlamaq üçün daha çox kalori yandırmaq lazım olduğunu söyləyir. Bunu iki şəkildə, məşq sıxlığını ya da müddətini artıraraq edə bilərsiniz. Əgər maksimum ürək ritminə olduqca yaxın çalışırsansa, daha asan yorulma qaçınılmaz olur. Lakin sabit bir şəkildə yavaş qaçışla başlamalısınız. Nəticələrə çata bilmək üçün uzun müddət gözləməniz lazımdır. Ən məntiqlisi isə üsulları qarışdırmaq. Bəzi günlər 20-30 dəqiqəlik yüngül sürətli qaçışları etməli, bəzi günlərdə isə daha yavaş və uzun müddətli (1 saat ətrafı) qaçışlar etmək lazımdır.

2- Sürətinizə hökm edin

2 dəqiqəlik möhkəm bir qaçış edib sonrakı 3 dəqiqə ərzində yavaş qaçan şəxslərin məşqlərinin sonunda sabit bir tempdə yavaş qaçış edənlərə görə daha çox kalori yandırdıqları müşahidə edilib. Ən əsası isə bu tip insanlar irəliləyən həftələrdə toplam bədən yağlarının 4 faizindən xilas olublar. Yavaş və stabil qaçan insanlarda isə bir fərq müşahidə edilməmişdir. Beləliklə sürətinizi 3-60 saniyə ərzində artırın, sonra ya eyni müddət ərzində ya da eyni müddətin 2 qatı qədər yavaş bir qaçış edin. 2-5 dəqiqə boyunca davam etdirə biləcəyiniz bir sürətdə idarə edin. Özünüzü tükənmiş deyil, canlı hiss edəcəksiniz. Daha böyük aralıqlar da təyin edə bilərsiniz ancaq bu seçim, sizin fitness təcrübənizə bağlı olacaq.

3- Hündürə qaçışlar

Maili qaçışlar etsəniz, yandırdığınız kalorilər də artacaq. Bu, olduqca sadə görünə bilər. Ancaq, hündürə qaçışlar ya da gedişlər, bədəniniz üçün məcbur edici ola blər. Amma bu qıç və omba əzələlərini daha çox gücləndirəcək.

Bir ya da iki dəqiqə ərzində mailliyi 2 - 4 % arasında tutun və sürətinizi 0.1 və ya 0.2 % aşağı salın. Bu tempə alışdıqdan sonra, müstəqil olaraq eyni sürətdə qaçmağa çalışın.

4- Bəzi günləri öz axarına buraxın

Bəzi məşq günlərində qaçdığınız 2 kilometr sanki 5 kilometr qaşmısınız kimi görünə bilər. Yorğun olduğunuz günlər qaçış zolağında daha az vaxt keçirin.

5- Digər məşqləri kənara qoymayın

The Journal of Applied Psyiology-də yayımlanan bir araşdırmaya görə, kilo vermək üçün izləniləcək ən yaxşı yol hər gün eyni şeyi etməkdən keçmir. Hədəflərinizə çata bilməniz üçün interval, gərilmə hərəkətləri, müqavimət məşqlərindən ibarət hərəkətlər də etməlisiniz.

Şərhini yaz

This site uses Akismet to reduce spam. Learn how your comment data is processed.